رد: يوميات (هبله وماسكه طبله)

من طرف **القلب الوفي** الإثنين مايو 03, 2010 4:25 pm

انا عايزه ثور انـّما يمشى بعيد عنىّ
ساعة ما اطبّل يعلىّ صوته ويغنىّ
ويطوف معايا البلاد على نغمة الطبله
وان قالوا هبله يردّ بكلمتين عنىّ

من طرف **القلب الوفي** الإثنين مايو 03, 2010 4:27 pm

ضعيفه ياطبلتى والصحة معدومه
بسّ اللسان الطويل والضبّه مرجومه
راح فين زمان الصبا والجرى والتنطيط
من قبل ماصبح عبيط والطبله مكتومه

من طرف **القلب الوفي** الإثنين مايو 03, 2010 4:29 pm

الدنيا صبحت مطار وبلدنا محتلـّه
والغزو بعد الحصار والضرب بالقلـّه
هاعوزلى طبله كمان لو طوّروا التوكتوك
وركـّبولوا عجل يدرس لنا الغلـّه

من طرف **القلب الوفي** الإثنين مايو 03, 2010 4:32 pm

ماعرفش ابطـّل هبل والطبله مشدوده
والجو تحت الشجر فيه نسمه موجوده
عشان مزاجى عنب هاعمل لى أجدع شنب
واعمل كراسى وكنب والكلفه محدوده

من طرف **القلب الوفي** الإثنين مايو 03, 2010 4:34 pm

لو كان معايا الفلوس كنت اشترى الرّاحه
واعيش يومين مهووس واركبلى تمساحه
واقرص على طبلتى م الفرحة وأهبّل
وافضل أطبّل كدا فى الجايه والرّاحه

من طرف **القلب الوفي** الإثنين مايو 03, 2010 4:36 pm

كتر الزّحام فى البلد خللاّ الطرق أدوار
من يومها صابنى الهبل والعقل منىّ طار
والطبله داخت معايا وخايفه لانتوهوا
لو خطوتين نبعدوا من برّه باب الدّار