رباعيات

عجبى على سبع فى الدنيا كان غالب
حتى وهو عجوز طبعه عليه غالب
لاقادر يرجع لغابته
ولا فى وسط الاشبال يبقى غالب


عجبى على كل خائن من الخاينين

يقعد يحلف انه بيحبك بس قول امين

اول ماضهرك ينكشف ويبان

ينقى ليك عشان مقامك احلى سكين



عجبى يابلد على واحد من المنافقين

يقعد يقول

انت شمس وانت قمر بس الناس عنك غافلين

واول ما يطلع المنشور بمشيه

يقول فى داهيه واحنا كنا ناقصينه ابن الحزين




عجبى على

سمك فى ميه كل بيأكل فى بعض

ياعالم اتقوا ربنا كفاكم خناق وعض

خلا ص يا بلد المولد نهيوه وانفض

ده انت يابن ادم كل اللى ليك شبر فى ارض



عجبى على اللى كل يوم فى حال

نوبه يحلفلك ونوبه يغنيلك موال

بس للشهادة واخد جايزة فى لعب الحبال
ولاحد قاله عيب ياعم انت حالك مال



لضّم يا حرف الكلام ف خيوط ضياك الفل
أوعاك تخاف الملام إن يـعنى زاد او قــل
هات م الاصول حلوها أوعاك من المغشوش
تطرح فروع المعانى وقت الهجبر الضِل



عجبي على اللي ينسى ان الدنيا دواره
وفاكر بالفلهوه كسب الدور بمهاره
نهب مال اليتيم وبنى له عماره
وافتكر ان دي الدنيا لكن يا خساره


عينى الدنيا دى مدرسة
واحنا التلامذه والعلوم
فيها مادة ضحك وفرفشة
ومادتين حزن وهموم
وفيه تلامذه كتير عرايا
وهما لابسين الهدوم
بلاش ياعينى تكونى منهم
لاحد يشمت أو يلوم